超人和壞蛋的迷思
2006年01月22日好天氣先生
好天氣先生雖然已年過20，但童心仍然爆燈；和比我小4年的弟弟，最喜歡看的是那些日本兒童節目/ 卡通 ，尤其鐘情於那些XX戰隊，XX守護者….etc，一邊看一邊罵個狗血淋頭
節錄以下對話：
好天氣：點解變身變咁耐嫁？ 超人變身變咁耐，地球都俾人毀滅左啦！
弟弟：變下身無咁悶嘛，變下身間場先可以拖長個節目嫁嘛。況且你少擔心喎，D奸角一定會用好多時間奸笑，所以正義0既朋友一定大把時間變身的!!
好天氣：嘩～個魔王隻嘍囉咁渣嫁，一打就瓜柴0既?!
弟弟：唔係嫁，你睇清楚，佢一陣就爬返起身係畫面側邊出返黎嫁啦!
好天氣：係喎….不過既然係咁，不如叫個勁D 0既出黎打啦，浪費晒我地觀眾既時間!
弟弟：你估咁容易請到D勁人咩?! 要洗好多錢嫁! 侵略整個世界，就好似run一個business，要洗好多錢，都係量入為出好D 0既
好天氣：唔係喎!你睇佢地成日整D新型號機械人出黎嫁喎!!
弟弟：梗係唔係啦，呢D機械人才是賺錢的門路呀！每出一隻機械人就可以賣多件玩具，賺多D先夠補貼日常開銷嫁嘛!!
好天氣：咁好人同壞蛋咪即係扯貓尾，打籠通?!?!
…….repeat（discussion)，until 完場畫面出現
噢～聖誕節托佢它歸家～我阿媽話佢幾貴嫁～～
你睇，我們兩兄弟多麼充滿童真!!
Posted in: 隨心, 電視, 動畫與漫畫 |
回應(7) | 回應的RSS | 暫時未有引用通告| 
(0)
